کورونا وائرس کی بڑھتی تعداد کو لے کر گجرات اسٹیٹ کنٹرول روم کی جانب سے ایک لسٹ جاری کی گئی ہے، جس میں بتایا گیا ہے کہ اب تک گجرات میں 33 مثبت معاملے ہوچکے ہیں اور کورونا وائرس سے ایک 67 سالہ شخص کی موت ہو چکی ہے اور گجرات میں نئے چار مثبت معاملے سامنے آئے ہیں تاہم احمدآباد میں 13 سورت میں چھ راجکوٹ میں ایک، وڈوڈرا میں چھ، گاندھی نگر میں چھ اور کچھ میں ایک معاملے درج کیے گئے ہیں۔
واضح رہے کہ کورونا وائرس کے سورت اور گاندھی نگر میں دو۔ دو معاملے مثبت آئے ہیں، جبکہ سورت میں کورونا وائرس سے ایک فرد کی موت بھی ہوچکی ہے۔
غور طلب ہو کہ کورونا وائرس کے بڑھتے قہر کی وجہ سے گجرات میں 31 مارچ تک لاک ڈاون کردیا گیا ہے اور پوری طرح کورونا وائرس سے نمٹنے کی تیاریاں کی جارہی ہیں۔
