ریاست گجرات میں کورونا وائرس کے نئے کیسز آہستہ آہستہ کم ہوتے نظر آرہے ہیں۔ گزشتہ دو ماہ کے بعد پیر کے روز سے گجرات میں ایک ہزار سے بھی کم نئے معاملے درج کیے گئے ہیں۔
واضح رہے کہ کورونا سے ہلاک ہونے والے مریضوں کی تعداد بھی کم ہوتی جارہی ہے۔ وہیں کورونا سے ڈسچارج ہونے والے مریضوں کی تعداد میں بھی بہت تیزی سے اضافہ ہو رہا ہے۔
خیال رہے کہ کورونا وائرس سے اب تک گجرات میں 4200 سے زائد افراد ہلاک ہوچکے ہیں جس کے سبب گجرات میں اب تک کورونا سے مرنے والوں کی کل تعداد 4295 ہوگئی ہے۔
وہیں دوسری جانب گجرات میں گزشتہ 24 گھنٹوں کے دوران سات افراد ہلاک ہوئے ہیں تو وہیں 24 گھنٹوں کے دوران گجرات کورونا وائرس کے اب تک کے سب سے زیادہ 810 نئے کیسز سامنے آئے ہیں۔
گجرات میں اب تک کل 243459 پازیٹو معاملے سامنے آئے ہیں جبکہ گجرات میں کورونا صحتیاب ہوکر اپنے گھر جانے والوں کی کل تعداد 229143 ہوگئی ہے۔
واضح رہے کہ گزشتہ 24 گھنٹوں کے دوران 999 افراد کو ہسپتال سے ڈسچارج کیا گیا ہے۔
یاد رہے کہ موجودہ وقت میں گجرات میں 10021 معاملے ایکٹیو ہے ان میں سے 63 مریض وینٹی لیٹر پر ہیں وہیں 9958 افراد کی حالت مستحکم ہے تاہم گجرات میں کورونا وائرس کے اب تک 9443400 ٹیسٹ ہوئے ہیں۔
محکمہ صحت گجرات کے مطابق گزشتہ 24گھنٹوں میں گجرات میں کورونا کے سب سے زیادہ معاملے احمدآباد میں 163، سورت میں 120، وڈودرا میں 101، گاندھی نگر میں 13، بھاؤنگر میں سات بناس کانٹھا میں 10، راجکوٹ میں 67، سریندر نگر میں چار، پاٹن میں سات، امریلی میں پانچ جام نگر میں چھ، مہسانہ میں 21 اور کَچھ میں 23 معاملے درج ہوئے ہیں۔
