ریاست گجرات میں کورونا وائرس نے اپنے پھیلاؤ کے دائرہ کو بڑھادیا ہے جہاں اس وبا کے مریضوں کی تعداد میں تیزی سے اضافہ مسلسل جاری ہے۔ لیکن ساتھ ہی کورونا وبا سے صحت یاب ہونے والے مریضوں کی تعداد میں بھی کافی تیزی سے اضافہ ہو رہا ہے۔ کورونا وائرس سے گجرات میں اب تک 4100 سے زائد افراد ہلاک ہو چکے ہیں جس کے سبب گجرات میں اب تک کورونا سے مرنے والوں کی کل تعداد 4160 تک پہنچ گئی ہے۔
گجرات میں گزشتہ 24 گھنٹوں کے دوران جہاں ایک جانب 12 افراد ہلاک ہوئے ہیں تو وہیں دوسری جانب 24 گھنٹوں کے دوران گجرات میں کورونا وائرس کے اب تک کے سب سے زیادہ 1204 نئے معاملے سامنے آئے ہیں۔
گجرات میں اب تک کل 226508 پازیٹیو معاملے سامنے آئے ہیں جبکہ گجرات میں کورونا کو شکست دینے کے بعد صحت یاب ہوکر اپنے گھر جانے والوں کی جملہ تعداد 208867 پر پہنچ گئی ہے۔ تاہم گزشتہ 24 گھنٹوں کے دوران 1338 افراد کو اسپتال سے ڈسچارج کردیا گیا ہے۔ واضح رہے کہ فی الحال گجرات میں 13481 معاملے فعال ہیں۔ ان میں سے 68 مریض وینٹی لیٹر پر ہیں، جب کہ 13413 افراد کی حالت مستحکم ہے۔ گجرات میں کورونا وائرس کے اب تک 8613587 ٹیسٹ ہوچکے ہیں۔
محکمہ صحت گجرات کے مطابق گزشتہ 24 گھنٹوں میں گجرات میں کورونا کے سب سے زیادہ معاملے احمدآباد میں251، سورت میں 158، بڑودہ میں 117، گاندھی نگر میں 34، بھاونگر میں 14، بناس کانٹھا میں 15، راجکوٹ میں 98، سریندر نگر میں 17، پاٹن میں 18، امریلی میں 20، جام نگر میں 19، مہسانہ میں 43، کَچھ میں 33، معاملے درج ہوئے ہیں۔
