احمد آباد:لاک ڈاؤن کی معیاد بڑھنے سے عوام پریشان حال

ملک بھر جاری میں کورونا وائرس کی قہر کو روکنے کے لئے لاک ڈاؤن کی میعاد میں توسیع کرتے ہوئے اسے 30 مئی تک کے لیے بر قرار رکھنے کا فیصلہ کیا گیا ہے۔ لاوک ڈاؤن کا یہ چوتھا مرحلہ ہے۔ لاک ڈاون کے اس مرحلہ میں راحت بھی دی گئی ہے۔ مگر عوام کی پریشانیاں کم ہونے کا نام نہیں لے رہی ہیں ۔

احمدآباد کے پٹیل کے چال میں آباد لوگوں کا کہنا ہے کہ یہ ریڈ زون کا علاقہ ہے۔ ریڈ زون میں پوری طرح سے سختی برتی جارہی ہے۔ راحت تو صرف گرین زون اور اورینج والوں کو مل رہی ہے۔ دو مہینے سے لوگ پریشان ہیں۔ کھانے کے لئے کچھ میسر نہیں ہے۔ سرکار مفت راشن دے رہی ہے۔ لیکن دس افراد یعنی بڑے کنبے کےلئے 10 کلو چاول دس کلو گیہوں دیا جا رہا ہے ۔جب کہ ایک آدمی کو دس کلو اناج دینے کی ضرورت ہے ۔اس کی بجائے بڑے کنبہ کو اتنا کم اناج دیا جارہا ہے ۔ایسےحالات میں گذر اوقات مشکل ہے ۔ انہوں نے کہا کہ اگر اناج وافر مقدار میں نہ ہوتو لوگ بھوک سے ہی مر جائیں گے۔

لوگوں کا کہنا ہے کاروبار بند ہے ۔ پیسے نہیں ہیں ۔لوگوں کی پریشانی ناگفتہ بہ ہے۔ کھانے کے لئے اناج نہیں۔ سرکار اناج دینے کی بات کر رہی ہے۔ مگر پریشانیاں روزبروزبڑھتی جا رہی ہیں۔