ایک طرف لاک ڈاؤن کا نفاذ ہے دوسرے جانب لوگوں کی عقیدت لیکن حکومت کی ہدایت کو مانتے ہوئے امسال بڑے ہی سادگی سے شب برات منائی جائے گی۔
اس موقع پر احمدآباد کے شاہ عالم درگاہ میں موجود تمام مزار و قبروں کو درگاہ کے خادمین نے صاف صفائی کر چارد اور پھول چڑھا دیے ہیں۔
اس تعلق سے شاہ عالم درگاہ کے خادم صوبہ خان پٹھان نے کہا کہ لاک ڈاؤن کی وجہ سے قبرستان میں کسی بھی شخص کو اندر جانے سے منع کیا گیا ہے ایسے میں شب برات کے لیے خادمین نے پوری تیاری کی، عالم درگاہ اور دوسری تمام قبروں پر بھول و چادریں چڑھائی گئی ہیں۔
ہر برس شب برات کے موقع پر پورے گجرات سے بڑی تعداد میں عقیدت مندوں کا اژدہام درگاہ میں دیکھنے کو ملتا تھا لیکن کورونا کے قہر کی وجہ سے پوری درگاہ خالی ہے۔
خادم درگاہ نے شہر کی عوام سے اپیل کی ہے کہ آج تمام لوگ اپنے گھروں میں ہی رہ کر عبادت کریں اور گھر سے باہر نہ نکلیں ساتھ ساتھ پوری دنیا سے کورونا وائرس جیسی کی وبأ کے خاتمے کی دعا کریں۔
واضح رہے کہ گجرات میں کورونا وائرس کے کیسز بڑھتے جارہے ہے اور اب تک یہاں کورونا کے 245 معاملے سامنے آ چکے ہیں جس میں بڑی تعداد میں احمدآباد کے لوگوں کی ہے اس لیے سبھی لوگوں کو لاک ڈاون پر سختی سے عمل کرنے کی گزارش کی جارہی ہے۔
