ریاست گجرات میں گزشتہ 24 گھنٹوں کے دوران کورونا انفیکشن کے 313 نئے کیسز درج ہوئے ہیں اور اس عرصے کے دوران مزید 17 اموات کی اطلاع ملی ہے۔ اس طرح سے گجرات میں اب تک کورونا وائرس کے 4395 مثبت کیسز درج ہوئے ہیں اور اس وائرس کی وجہ سے کل 214 افراد ہلاک ہو چکے ہیں۔
جمعرات کو جاری کردہ تازہ ترین اعداد و شمار کے مطابق گجرات میں 313 نئے کیسوں میں سے 249 معاملات صرف احمد آباد سے ہیں۔ احمد آباد کورونا کا مرکز بن چکا ہے یہاں متاثر مریضوں کی تعداد تین ہزار کو عبور کر چکی ہے۔ وہیں نئے معاملے میں 19 مریض وڈودرا، سورت 13، گاندھی نگر، پنچمہل سے 10-10، بھاو نگر سے 4، آنند مہی ساگر میں 3-3 اور اراولی داہود سے 1-1 مریض پائے گئے ہیں۔
اگر ہم اب تک ریاست میں مریضوں کی کل تعداد کے بارے میں بات کریں تو احمد آباد میں 3026 کیس سب سے زیادہ ہیں اور یہاں 149 مریض کی موت ہوئی ہے۔ سورت سے 614، وڈوڈرا سے 289، آنند سے 74، راجکوٹ سے 58، گاندھی نگر سے 48، بھاونگر سے 47، بھروچ سے 31، بنوسکنتھا سے 28، بوٹاڈ سے 20، چھوٹا ادھے پور میں 12، نرمدا سے 12 مریض پائے گئے ہیں۔
