وسطی ضلع گاندربل میں موٹر وہکیلز محکمہ کی جانب سے جاری 32ویں روڈ سیفٹی ماہ کے دوران ٹریفک قوانین سے متعلق بیداری پروگرام کا انعقاد کیا گیا۔
گاندربل میں موجود نجی اسکول نیو ٹاینی ہارٹس اسکول میں ٹریفک قوانین کی عمل آوری کے تحت یک روزہ بیداری پروگرام کا اہتمام کیا گیا۔
ٹرانسپورٹ محکمہ سے جڑے ملازمین نے اپنے خطاب کے دوران اسکول میں زیر تعلیم طلبا کو سکوٹر اور گاڑی چلانے کے دوران ٹریفک حادثات سے بچنے کیلئے ٹریفک قوانین پر سختی سے عمل کرنے کی تلقین کی۔
انہوں نے کہا 'نہ صرف گاڑی چلانے والے کو احتیاطی تدابیر پر عمل کرنے کی ضرورت ہے بلکہ سماج کے ہر فرد کو اپنا کردار ادا کرنا چاہیے اور ٹریفک حادثات سے بچنے کیلئے ہر ممکن کوشش کرنی چاہیے'۔
یہ بھی پڑھیے
بین الاقوامی ہوائی اڈے سے ایک عسکری معاون گرفتار
پروگرام کے دوران اسسٹینٹ ریجنل ٹرانسپورٹ آفیسر گاندربل عارف احمد شاہ، ڈی ایس پی ٹریفک فہیم علی، محکمہ موٹر وہکیلز کے انسپکٹر سمیت دیگر عملہ اور اسکول انتظامیہ بھی موجود تھا۔
