شیر کشمیر یونیورسٹی آف ایگریکلچرل ساینسز اینڈ ٹیکنالوجی میں آج مختلف قسم کے کھیلوں کا آغاز کیا گیا۔ منگل کو فیکلٹی آف ویٹرینری سائنس کے اسپورٹس اسٹیڈیم میں وائس چانسلر نے اسپورٹس فیسٹیول کا افتتاح کیا۔
فیسٹیول کے میڈیا کوآرڈینیٹر ڈاکٹر پرویز احمد ریشی نے بتایا 'اس اسپورٹس فیسٹیول کو ہر سال اپریل کے آخری ہفتے میں عالمی یوم ویٹرنری ڈے کے طور پر منایا جارہا ہے۔ اس طرح کے ایونٹس کے انعقاد کا مقصد کھیلوں کی صلاحیت، اتحاد، نظم و ضبط اور جسمانی تندرستی کو فروغ دینا اور طلباء کو ذہنی تناؤ کو روکنا ہے'۔
اسٹوڈینٹس ویلفیئر آفیسر ڈاکٹر سجاد بٹ کے مطابق اس فیسٹیول کے دوران تمام کھیل جیسے کرکٹ، فٹ بال، والی بال، بیڈ منٹن، کبڈی، کھو کھو اور بہت سارے کھیل کھیلیں جائیں گے۔
یہ بھی پڑھیے
کورونا مخالف ٹیکہ لگوانے کے باوجود فاروق عبداللہ کووڈ سے متاثر
افتتاحی تقریب میں ڈین فیکلٹی آف ویٹرینری سائنس پروفیسر ایم اے پال، ڈین اسٹوڈینٹس ویلفیئر، اسکاسٹ کے پروفیسر ایم اے صدیقی، ڈائریکٹر پلاننگ، اسکاسٹ کے پروفیسر این اے گنائی، چیئرمین اسپورٹس کمیٹی، پروفیسر آزاد احمد نے بھی شرکت کی۔
