وادی کشمیر کے دیگر اضلاع کی طرح ضلع گاندربل میں بھی حالیہ برفباری کی وجہ سے معمولات زندگی متاثر ہوئی ہے۔
ضلع گاندبل کے دور دراز علاقوں کے بیشتر رابطہ سڑکیں بند پڑی ہوئی ہیں، جس کے باعث لوگوں کو گزرنے میں خاص کر مریضوں کو ہسپتال تک پہنچنے میں کافی مشکلات کا سامنا کرنا پڑ رہا ہے۔
گاندربل کے ایگزکیٹیو انجینیئر آر اینڈ بی ظفر قریشی نے اس تعلق سے بتایا کہ رابطہ سڑکوں سے برف ہٹانے کے لیے مکمل کوشش جاری ہے، جس کی وجہ سے کئی مشینیں اور جے سی بی کو آج صبح پانچ بجے سے ہی کام پر لگا دیا گیا ہے، اور شام تک ضلع کے تمام رابطہ سڑکیں آمد و رفت کے قابل ہوجائے گی۔
انہوں نے مزید کہا کہ ضلع کے میدانی علاقوں میں چار سے پانچ انچ، جبکہ بالائی علاقوں میں آٹھ سے نو انچ برفباری ریکارڈ کی گئی، جس کی وجہ سے متعلقہ محکمہ تمام رابطہ سڑکوں سے برف ہٹانے کا سلسلہ جاری رکھے ہوئے ہیں۔
