وسطی کشمیر کے ضلع گاندربل کے نالہ سندھ میں ڈوبنے والے نوجوان کی لاش کو تیسرے روز بھی ڈھونڈنے کی کوشش جاری ہے، مقامی نوجوان، پولیس، ایس ڈی آر ایف، اور فائر ایمرجنسی سروس کا عملہ کوشش کا حصہ۔
خیال رہے کہ دارالحکومت سرینگر سے تعلق رکھنے والے دو نوجوان اتوار کی روز نہاتے ہوئے پانی میں ڈوب گئے تھے جسکے بعد ان کو بازیاب کرنے کی کوشش شروع کی گئی اور پیر کی صبح ایک نوجوان زاہد فاروق کی لاش کو تلاش کر لیا گیا۔
بتایا جا رہا ہے کہ 'تین نوجوان تفریح کے لیے کنگن پارک میں آئے تھے جہاں وہ شدت کی گرمی سے راحت پانے کے لیے پاس کی کنال میں نہانے کے لیے چلے گئے اور ان میں سے دو نوجوان ڈوب گئے۔
واضح رہے کہ اس مقام پر اس سے پہلے بھی ایسے کئی حادثے ہوئے ہیں جس میں کئی نوجوانوں ہے اپنی جانیں گنوا دی ہے۔
آج کئی جے سی بی مشینیں لگا کر پانی کو دوسری طرف موڑ دیا گیا تاکہ ڈوبے نوجوان کی تلاش کی جائے۔
