گاندربل میں یوگا ہفتہ کی افتتاحی تقریب منعقد

ماہرین نے کہا ہے کہ کورونا جیسی وبائی مرض کی وجہ سے اس وقت ہر جگہ پہنچنا مشکل ہو رہا ہے جس کی وجہ سے آف لائن اور آن لائن دونوں طریقوں سے مختلف پروگرام منعقد کرکے لوگوں تک جانکاری پہنچانے میں ہم کوئی بھی کسر باقی نہیں رکھ رہے ہیں۔

گاندربل میں ڈائریکٹریٹ آف انڈین سسٹم میڈسن کی طرف سے یوگا ہفتہ کی افتتاحی تقریب منعقد ہوئی جسکے دوران یوگا کے ماہرین نے تقریب میں موجود لوگوں خاص کر نوجوانوں کو یوگا کرنے کے فائدے بتائے اور ساتھ ہی ساتھ یہ بھی سکھایا کہ یوگا کیسے کیا جائے۔

اس موقع پر ماہرین نے کہا ہے کہ کورونا جیسی وبائی مرض کی وجہ سے اس وقت ہر جگہ پہنچنا مشکل ہو رہا ہے جس کی وجہ سے آف لائن اور آن لائن دونوں طریقوں سے مختلف پروگرام منعقد کرکے لوگوں تک جانکاری پہنچانے میں ہم کوئی بھی کسر باقی نہیں رکھ رہے ہیں۔

اس تقریب میں ضلع کے سینکڑوں نوجوانوں نے حصہ لے کر یوگا کے متعلق جانکاری حاصل کی۔ ذمہ داران نے کہا ہے کہ اس طرح کے کیمپ ہر ضلع میں منعقد کیے جائیں گے۔اس موقع پر سرکردہ یوگ ماہر نے کہا کہ یوگا کرنے سے فزیکل فٹنس برقرار رہتی ہے اور انسان کے اندر موجود بیماریاں یا تو کنٹرول میں رہتی ہیں یا انسان کے جسم سے غائب ہ ہوجا تی ہیں۔

انہوں نے کہا ہے کہ کورونا جیسی وبائی مرض کے دوران اگرچہ مریض کو سانس لینے کی دشواری اکثر پیش آتی ہے۔

لیکن ہمارا دعویٰ ہے کہ اگر یوگا صحیح طریقے سے کیا جائے اور یہ سیکھنے کی کوشش کی جائے کہ سانس کس طریقے سے لی جائے یا کس طرح سے چھوڑی جائے تو اسے بہتر علاج کورونا کے خلاف کچھ بھی نہیں ہے۔ ماہرین کا مزید کہنا تھا کہ یہ ہفتہ یوگا 21جون تک گاندربل ضلع میں جاری رہے گا۔