ضلع گاندر بل میں حضرت شیخ جمال الدین رحمۃ اللہ علیہ کا عرس پاک عقیدت و احترام سے منایا گیا۔
سہی پورہ گاندربل میں حضرت شیخ جمال الدین رحمۃ اللہ علیہ کا عرس ہر سال اسلامی (قمری) تاریخ کے مطابق 29 جمادی الاول کو منایا جاتا ہے۔
گاندربل: شیخ جمال الدینؒ کا عرس عقیدت و احترام سے منایا گیا
اس عرس پاک میں مقامی علاقے کے علاوہ گاندربل ضلع کے مختلف علاقوں سے عقدیت مند حاضری دیتے ہیں۔
ختمات المعظمات کی مجالس کے علاوہ اس عرس پاک میں ہر سال روایتی طہری کا اہتمام کیا جاتا ہے۔
عقیدت مندوں نے ای ٹی وی بھارت کے ساتھ بات کرتے ہوئے کہا کہ انہوں نے اپنے آباء و اجداد کو بھی اس عرس پاک میں شریک ہوکر طہری کا اہتمام کرتے دیکھا ہے۔ انہوں نے کہا کہ یہ عرس صدیوں سے منایا جا رہا ہے۔
اس موقع پر عالمی وبا کورونا وائرس کے خاتمے اور وادی کشمیر سمیت پورے عالم میں امن و امان کے لیے بھی اجتماعی دعا کی گئی۔
