ڈی پی ایل گاندربل میں پینٹنگ مقابلے کا انعقاد

ایس ایس پی گاندربل نے اپنے خطاب میں ایسے منفرد ایونٹ میں حصہ لینے پر طلبا کی کامیابی اور ذہانت کی تعریف کی۔ انہوں نے ضلع کے نوجوان فنکاروں پر بھی زور دیا کہ وہ اپنے فن کے ذریعے اپنے آپ کو لائق بنائیں۔ اس کے علاوہ انہوں نے شرکاء پر زور دیا کہ وہ ثقافتی اور کھیلوں کی سرگرمیوں میں بڑھ چڑھ کر حصہ لیں۔

'آزادی کا امرت مہااتسو'کی جاری ملک گیر تقریبات کے ایک حصے کے طور پر گاندربل پولیس نے آج ڈی پی ایل گاندربل میں پینٹنگ مقابلے کا انعقاد کیا۔ یہ مقابلہ ضلع گاندربل میں 14 سال سے کم عمر لڑکوں اور لڑکیوں کے لیے منعقد کیا گیا تھا اور مذکورہ مقابلے کے لیے کل 30 شرکاء نے اپنا اندراج کرایا تھا۔ مندرجہ ذیل شرکاء نے بالترتیب پہلی، دوسری اور تیسری پوزیشن حاصل کی۔

پہلی پوزیشن صبیحہ نبی فتح پورہ گاندربل بوائز مڈل اسکول فتح پورہ کی درجہ ششم کی طالبہ، جبکہ دوسری پوزیشن آسیہ ریاض ساکن کرہامہ گاندربل مڈل اسکول کرہامہ کی درجہ پنجم کی طالبہ اور تیسری پوزیشن بسمہ عاشق ساکن چنتھن گلاب پورہ گورنمنٹ اسکول لار کی نہم جماعت کی طالبہ نے حاصل کیا۔ قابل ذکر ہے کہ گاندربل پولیس کی جانب سے ضلع میں ہفت روزہ والی بال، میراتھن، رن فار یونٹی و دیگر مقابلوں کا انعقاد کیا گیا تھا۔ یہ مختلف تقریبات 31 اکتوبر 2021 کو اختتام پذیر ہوئی۔تقریب کا افتتاح ایس ایس پی گاندربل شری نکھل بورکر نے کیا، اس دوران ان کے ہمراہ پولیس کے دیگر افسران کے ساتھ ساتھ چیف ایجوکیشن آفیسر اور زونل ایجوکیشن آفیسر گاندربل بھی موجود تھے۔

ایس ایس پی گاندربل نے اپنے خطاب میں ایسے منفرد ایونٹ میں حصہ لینے پر طلبا کی کامیابی اور ذہانت کی تعریف کی۔ انہوں نے ضلع کے نوجوان فنکاروں پر بھی زور دیا کہ وہ اپنے فن کے ذریعے اپنے آپ کو لائق بنائیں۔ اس کے علاوہ انہوں نے شرکاء پر زور دیا کہ وہ ثقافتی اور کھیلوں کی سرگرمیوں میں بڑھ چڑھ کر حصہ لیں۔ تقریب کے اختتام پر مقابلہ جیتنے والوں کو نقد انعام اور تعریفی اسناد سے نوازا گیا۔