وسطی کشمیر کے ضلع گاندربل میں لداخ شاہراہ کو پورے سال قابل آمد و رفت بنانے کے لیے زوجیلا کے مقام پر 14.5 کلومیٹر طویل ٹنل تعمیر کی جا رہی ہے۔
تعمیراتی ایجنسی نے ڈرائیوروں، ہیلپروں اور آپریٹروں کی 107 اسامیوں کو پر کرنے کیلئے اشتہار میں تحصیل گنڈ کے سربل، سونہ مرگ، شتکڑی، گگن گیر، ریزن، زیر پورہ، کلن، ریول، گنڈ، ہاکنار اور سمبل علاقوں کے تربیت یافتہ نوجوانوں سے درخواستیں طلب کی تھیں۔
تعمیراتی ایجنسی کی جانب بھرتی اشتہار کے بعد وادی کے مختلف علاقوں کے سینکڑوں اعلیٰ تعلیم یافتہ نوجوانوں نے درخواستیں جمع کرائیں جبکہ مقامی نوجوانوں نے بھرتی اشتہار کو 'مذاق' قرار دیتے ہوئے کہا کہ 'یہاں صرف اثر و رسوخ رکھنے والے امیدواروں کو ہی ترجیح دی جا رہی ہے۔ جبکہ مقامی بے روزگار نوجوانوں کو نظر انداز کیا جا رہا ہے۔'
107 اسامیوں کیلئے تحصیل گنڈ کے علاوہ دیگر اضلاع کے قریب 1000 پڑھے لکھے نوجوانوں نے درخواستیں جمع کرائیں۔
