گاندربل ضلع اسپتال میں ڈائیلسز خدمات شروع

ڈپٹی کمشنر گاندربل کرتیکا جیوٹسنا نے بتایا آج بتایا کہ ضلع اسپتال میں ڈائیلیسز یونٹ شروع کیا گیا ہے اور جن افراد کو ڈائیلسز کی ضرورت ہیں وہ وہاں کی خدمات حاصل کرسکتے ہیں۔

جموں کشمیر کے ضلع گاندربل کے ڈپٹی کمشنرکرتیکا جیوٹسنا نے کورونا مثبت کی شرح کے بارے میں تفصیلات دیتے ہوئے نے کہا کہ مثبت کی شرح %5 ہوگئی ہے جبکہ ٹھیک ہونے کی شرح %97ہوگئی ہے اور ضلع میں اموات کی شرح محض 0.8 فیصد ہے۔ انہوں نے مزید کہا کہ اس وقت 55 کنٹینمنٹ زون ہیں۔

انہوں نے ان علاقوں سے تعلق رکھنے والے لوگوں سے اپیل کی کہ وہ کورونا ٹیسٹ اور ویکسین کے لئے مکمل تعاون فراہم کریں ۔ 18-44 سال کی ویکسینیشن مہم کے بارے میں وضاحت کرتے ہوئے ، انہوں نے کہا 94 مقامات پر ویکسینیشن دستیاب ہے اور لوگوں پر زور دیا کہ وہ جلد سے جلد اپنے آپ کو ویکسین کریں۔

انہوں نے لوگوں سے ایک بار پھر رہنما اصولوں اور ایس او پیز پر عمل کرنے کی اپیل کی اور کہا کہ ایس او پی کی خلاف ورزی کرنے والوں کے خلاف جرمانہ عائد کرنے کے لئے مشترکہ ٹیمیں تشکیل دی گئیں ہیں۔