پورے ملک کے ساتھ ساتھ جموں و کشمیر میں بھی کورونا کی دوسری لہر کی وجہ سے لوگوں میں خوف پیدا ہوا تھا۔ اس تعلق سے مارچ سے لے کر اب تک لوگوں نے گھروں میں رہنے کو ہی ترجیح دی تھی۔
مارچ 2020 سے لے کر اب تک لوگ گھروں میں رہنے سے کافی تنگ ہو چکے ہیں۔ لوگ اب زہنی تناو کے بھی شکار ہو رہے ہیں۔ اسی وجہ سے لوگوں نے اب اپنا زہنی تناو دور کرنے کے لئے پارکوں اور سیر تفریح گاہوں کی جانب نکلنا شروع کیا ہے۔
دوسری جانب لوگوں کا اب رش لداخ کی طرف بھی جانے کے لئے بڑھ گیا ہے، کیونکہ سرینگر لداخ شاہراہ بھی کھلی ہے اور لداخ کے لوگ بھی اب سرینگر اور لداخ کے لئے آتے جاتے ہیں۔
یہ بھی پڑھیں: یاترا منسوخ ہونے کے باوجود لنگر کی اجازت
اس سارے معاملے کو مد نظر رکھتے ہوئے گاندربل محکمہ صحت کے ذمہ داران نے کورونا بیماری پر مزید کنٹرول کرنے کے لئے گگنگیر میں ایک کیمپ لگایا ہے۔
جہاں ہر آنے جانے والے لوگوں، چاہے وہ لداخ سے آنے جانے والے لوگ ہوں، سونمرگ جانے والے غیر مقامی یا مقامی سیاح ہوں، ان کا وہاں پر کورونا ٹیسٹ کیا جاتا ہے، جس کے بعد آگے جانے کی اجازت دی جاتی ہے۔ تاکہ کورونا کو مزید پھیلنے سے روکا جائے۔ یہی وجہ ہے کہ اس ٹیسٹنگ کیمپ کو گگنگیر میں شروع کیا گیا ہے۔
