وادی کشمیر کے وسطی ضلع گاندربل کے کنگن علاقے میں ہفتے کے روز ایک اور شخص کے ریچھ کے حملے میں زخمی ہونے کے بعد محکمہ وائلڈ لائف نے علاقے میں دوسرا پنجرہ لگا دیا ہے۔ اس پنجرے کے ذریعے خونخوار ریچھ کو پکڑنے کی کوشش کی جا رہی ہے۔
خیال رہے کہ رہائشی آبادی والے علاقے میں عام طور پر ان دنوں جنگلی جانوروں کا آنا رہتا ہے کیونکہ فصلیں اپنی جوبن پر ہیں۔
اسی علاقے میں حال ہی میں 25 اگست کو تین خواتین ریچھ کے حملے میں زخمی ہوئے تھی اور محکمہ وائلڈ لائف نے ایک پنجرہ بھی لگایا تھا لیکن 11 دن گزرنے کے بعد بھی ریچھ پر قابو نہ پایا گیا۔
ادھر محکمہ وائلڈ لائف کے عملے کے ساتھ ساتھ مقامی نوجوانوں نے بھی کھیتوں میں ڈھونڈنے کی کوششیں کی تاہم ابھی تک کوششیں رنگ نہ لائی۔
یہ بھی پڑھیں: کورونا سے متاثر ہونے کی بات خفیہ رکھنے پر کیس درج
اس واقعے کے بعد علاقے کے لوگوں میں کافی خوف و دہشت پھیل گیا تھا اور ایک نیا واقعہ ہونے سے مقامی لوگ اور بھی خوف زدہ ہو گئے ہیں۔مقامی لوگوں نے انتظامیہ سے اپیل کی ہے کہ وہ جلد سے جلد اس ریچھ کو پکڑ لے تاکہ علاقے کی قیمتی جانے ضائع نہ ہو۔