گاندربل: نقب زنوں نے زیارت گاہ کی سیف توڑ کر نزرانے کی رقم لوٹ لی

وسطی کشمیر کے ضلع گاندربل میں نقب زنوں نے مقامی زیارت گاہ کی سیف کو توڑ کر نزرانے کی رقم لوٹ لی، جس کے بعد مقامی لوگوں میں زبردست غم و غصہ دیکھا گیا۔

اطلاعات کے مطابق نامعلوم نقب زنوں نے ہفتہ اور اتوار کی درمیان شب کنگن علاقے میں سرینگر لہہ شہرہ پر بابا بدرالدینؒ کی درگاہ کی ایک سیف توڑ کر نزرانے کی رقم لوٹ لی ہے۔

مقامی کمیٹی کے رکن شریف الدین شیخ نے حیرت کا اظہار کرتے ہوئے کہا کہ نقب زنوں نے کس طرح زیارت گاہ اور مقامی مسجد کے سیفوں کو توڑکر رقم لوٹ لیا۔ انہوں نے مزید بتایا کہ اس سے قبل بھی اس قسم کی وارداتیں ہوئی ہیں لیکن سیول اور پولیس انتظامیہ کی جانب سے ابھی تک کوئی کاروائی نہیں کی گئی۔

انہوں نے انتظامیہ سے جلداز جلد چوروں کو گرفتار کرنے اور آئندہ اس طرح کے واقعات کی روک تھام کے لیے مناسب کاروائی کا مطالبہ کیا۔