ضلع ترقیاتی کمشنر گاندربل کرتیکا جیوتسنا نے ضلع میں عالمی وبا کورونا وائرس کی موجودہ صورتحال سے متعلق تفصیلات فراہم کرتے ہوئے کہا کہ ضلع میں صرف 378 فعال معاملات ہیں، جن میں سے 344 گھریلو آئیسولیشن اور28 ڈسٹرکٹ ہسپتال میں زیر علاج ہیں جبکہ 6 مریضوں کو علاج و معالجے کیلئے ضلع سے باہر بھیجا گیا ہے۔
اُنہوں نے فعال مثبت معاملات کے بارے میں تفصیلات فراہم کرتے ہوئے کہا کہ ضلع میں کُل فعال معاملات کی تقریباً 47 فیصد آبادی مائیکرو کنٹین منٹ زونز سے ہیں۔
ڈی سی نے مزید کہا کہ ضلع کی درجہ بندی ہفتہ وار مثبت معاملات، اموات کی شرح، ویکسی نیشن کوریج کی بنیاد پر کی جاتی ہیں۔ انہوں نے کہا کہ درجہ بندی کے حساب سے ضلع گاندربل ییلو زون کے زمرے میں ہیں۔ انہوں نے لوگوں سے اپیل کی کہ وہ کووڈ کے مناسب طرز عمل پر سختی سے عمل کریں تا کہ ضلع گاندربل گرین زون کے زمرے میں آ سکے۔
انہوں نے رہنما خطوط کی پاسداری عمل میں لانے کے علاوہ مائیکرو کنٹینمنٹ زونز میں نمونے حاصل کرنے اور دیگر لوازمات کیلئے ضلع انتظامیہ اور محکمہ صحت کا تعاون دینے کی عوام سے اپیل کی ہے۔
