کورونا وائرس کی روک تھام کے لیے جہاں پوری دنیا میں بڑے پیمانے پر اقدامات کیے جا رہے ہیں۔ وہیں ضلع ڈوڈہ میں 'سیوا بھارتی' نامی تنظیم کورونا سے متاثر لوگوں کی مدد کے لیے آگے آئی ہے۔ تنظیم کی جانب سے کورونا سے متاثرہ افراد کے لیے کھانے پینے اور رہنے کا انتظام کیا گیا ہے۔
ضلع ڈوڈہ میں کورونا مثبت معاملات میں مسلسل اضافہ کے بعد مذکورہ تنظیم کی ڈوڈہ یونٹ نے یہ اقدام کیے ہیں۔
سیوا بھارتی کے ایک رکن نے بتایا کہ ہندوستان میں اُن کی تنظیم کورونا متاثرین کی مدد کر رہی ہے۔ ایسے میں اُن کا فرض بنتا ہے کہ وہ بھی سماج کے لیے کچھ کریں۔ اس لیے اُنہوں نے بھی ڈوڈہ میں لوگوں کی سیوا شروع کی ہے۔
یہ بھی پڑھیں: کشمیر میں موسلا دھار بارش کی پیش گوئی
تنظیم ان لوگوں کو پناہ دے کر تمام تر ضروری سہولیات فراہم کی جائیں گی، جو دور دراز علاقوں میں رہائش پذیر ہیں۔ کنبہ میں زیادہ افراد ہونے کی وجہ سے وہ الگ نہیں رہ سکتے ہیں۔ چونکہ اس مہلک بیماری کا علاج ابھی تک احتیاطی تدابیر سے ہی ممکن ہے۔ کورونا متاثرین کو یہ سہولیت مہیا کرائیں گے جس میں اُن کو آکسی میٹر، قوت مدافعت بڑھانے والی ادویات بھی دی جائیں گی۔
