جموں و کشمیر کے ضلع ڈوڈہ کی پنچائت بٹوگڑھ وارڈ نمبر چار کنو کے لوگ پینے کے صاف پانی سے محروم ہیں۔
کورونا وائرس سے پیدا شُدہ صورتحال کی وجہ سے عوام کو یہ مشورہ دیا گیا ہے کہ وہ سماجی فاصلہ اور خود کو پاک صاف رکھنے کے لئے بار بار ہاتھ دھوئیں اور جب بھی باہر سے گھر لوٹیں تو کپڑے دھو لیں، لیکن یہ سب کرنے کے لئے پانی کی ضرورت ہوتی ہے جو بٹگڑھ کنو کے عوام کو دستیاب نہیں ہے۔
عوامی کو درپیش مشکلات کے باوجود محکمہ صحت عامہ ڈوڈہ کو کوئی پروا نہیں ہے۔
یہ بھی پڑھیں:
خطرے کے نشان سے دو میٹر اوپر بہہ رہا ہے چناب
مقامی لوگوں کا کہنا ہے کہ یہاں پر محکمہ نے نہ ہی پائپ لائن دی اور نہ ہی یہاں محکمہ کا کوئی ملازم موجود ہے جو اِن بوسیدہ پائپوں کو قابل ترسیل بنا سکے۔
گاؤں میں پانی کی عدم دستیابی سے لوگوں کو موجودہ جدید دور میں بھی کوسوں دور جانا پڑتا ہے۔ مقامی لوگوں نے ضلع انتظامیہ ڈوڈہ سے مطالبہ کیا ہے کہ جلد از جلد اُن کی مشکلات کا ازالہ کیا جائے۔
