ضلع ڈوڈہ کے تحصیل کاستی گڑھ کے گاگلہ میں مقامی لوگوں نے محکمہ پی ڈی ڈی پر الزام عائد کرتے ہوئے کہا کہ محکمہ پی ڈی ڈی ان کے ساتھ زیادتی کر رہا ہے۔
مقامی لوگوں کا کہنا ہےکہ گاگلہ کے لیے جو نیا 63 کے وی کا ٹرانسفارمر منظور ہوا ہے اُسے عوام کی مرضی کے مطابق ہی لگایا جائے۔ جس سے عوام کو بجلی کی سہولیات کا فائدہ مل سکے۔ مقامی لوگوں نے بتایا کہ گاگلہ میں بجلی کے اس مسئلہ پر تب تک حل نہیں نکل سکتا جب تک محکمہ کے آفسران خود یہاں کا معائنہ نہیں کریں گے۔ مقامی لوگوں نے یہ بھی شکایت کرتے ہوئے کہا کہ یہاں محکمہ کی طرف سے پیشہ وار کام نہیں کیا جا رہا ہے۔
یہ بھی پڑھیں: ملیے جموں و کشمیر کی پہلی خاتون بس ڈرائیور سے
لوگوں کا کہنا ہے کہ سردیوں کے ایام میں بجلی کی سخض ضرورت ہوتی ہے۔ آج کل ہیٹر کی ضرورت ہوتی ہے۔ بچوں کی پڑھائی کے بھی بجلی کی ضرورت ہوتی ہے۔ لیکن یہاں بجلی نہ ہونے سے مشکلات کا سامنا ہے۔
