پہاڑی ضلع ڈوڈہ کے بنجواہ علاقے میں نائب تحصیلدار نے مارکیٹ چیکنگ کے دوران دکانداروں کو مقررہ ریٹ لسٹ کے مطابق ہی اشیاء فروخت کرنے پر زور دیا۔ Market Checking Drive in Doda۔ نائب تحصیلدار نے دکانداروں سے گراں فروشی سے باز رہنے کی تلقین کرتے ہوئے کہا کہ گاہک سے مقررہ ریٹ لسٹ سے زائد رقم وصول کرنے والے دکانداروں کے خلاف کارروائی انجام دی جائے گی۔ مقامی دکانداروں نے میڈیا سے گفتگو کرتے ہوئے دعویٰ کیا کہ ریڑیوں، گاڑیوں اور آٹو رکشا میں بغیر اجازت نامے کے سبزیاں، پھل سمیت دیگر اشیاء فروخت کرنے والے افراد خریداروں سے من مرضی دام وصولتے ہیں۔ Market Checking Drive in Doda۔ انہوں نے حکام سے ایسے افراد کے خلاف کارروائی کیے جانے کی اپیل کی۔
مقامی باشندوں نے نائب تحصیلدار کی جانب سے مارکیٹ چیکنگ ڈرائیو کی سراہنا کرتے ہوئے حکام سے ماہ مبارک رمضان کے دوران سبزیوں، پھلوں، گوشت، دودھ اور روٹی سمیت دیگر اشیاء خورد و نوش کی قیمتوں کو اعتدال میں رکھنے اور ناجائز منافع خوروں کے خلاف سخت سے سخت کارروائی عمل میں لائے جانے کا مطالبہ کیا ہے۔
