جموں و کشمیر، ضلع ڈوڈہ کے گندوہ اور اس سے متصل علاقوں میں تحصیلدار کی سربراہی میں ریونیو، لیگل میٹرولوجی اور ڈرگ اینڈ فوڈ کنٹرول ڈپارٹمنٹس کی مشترکہ ٹیم نے بازاروں کی چیکنگ کی۔
رمضان کے پیش نظر مارکیٹ کی چیکنگ
مارکٹ کی چیکنگ کے دوران متعدد دکانداورں پر کارروائی کرتے ہوئے ان پر جرمانہ بھی عائد کیا۔
تحصیلدار ارشاد احمد نے چیکنگ کے دوران خراب سبزیوں کو تلف کر دیا اور رمضان میں تمام دکانداروں کو حکومت کی جانب سے طئے شدہ قیمت میں سامان کو فروخت کرنے کی ہدایت دی۔
انھوں نے دکانداروں کو متنبہ کرتے ہوئے کہا کہ اگر کوئی بھی شخص خراب سامان فروخت کرتا ہے یا زیادہ قیمت پر فروخت کرتا ہے تو اس کے خلاف سخت کارروائی کی جائے گی۔
ڈپٹی کمشنر ڈوڈہ نے تمام تحصیلداروں کو روزانہ مارکٹ چیکنگ کی ہدایت دیتے ہوئے کہا کہ اس بات کو یقینی بنائیں کہ مارکٹ میں کسی قسم کی منافع خوری اور بلیک مارکیٹنگ نہ ہو۔
