ڈی سی ڈوڈہ نے تفصیلات فراہم کرتے ہوئے کہا کہ بھدرواہ کے رہنے والے تلک راج نامی ایک شخص کی خوکشی کے بعد اس کی بیوہ اور 5بچیاں بے سہارا ہو گئی تھیں۔
اس سلسلے میں ضلع انتظامیہ نے ریڈ کراس کے تعاون سے تلک راج کی پانچ بیٹیوں کے نام الگ الگ 50ہزار روپے فکس ڈیپازٹ کے طور پر جمع کیے جو انہیں ازدواجی سفر کی شروعات کے وقت مل سکیں گے۔
اس کے علاوہ مذکورہ کنبے کو روزمرہ کی ضروریات پوری کرنے کے لیے ہر ماہ 2 ہزار روپے فراہم کیے جائیں گئے۔
ڈی ڈی سی نے ذرائع ابلاغ کے نمائندوں سے بات کرتے ہوئے کہا کہ اس سلسلے میں انہوں نے اعلیٰ حکام کو بھی مطلع کرکے اہل خانہ کے لئے خصوصی مدد طلب کی ہے۔
ڈی ڈی سی نے کہا کہ وہ اس خاندان کے کم از کم ایک فرد کو سرکاری ملازمت فراہم کرنے کے لئے ہر ممکن کوشش کریں گے جس کے لیے متعلقہ تحصیلدار کو جلد سے جلد ایک رپورٹ تیار کرنے کی ہدایت جاری کر دی گئی ہے۔
