ڈوڈہ: یکم نومبر2022 کو ڈوڈہ پولیس کی جانب سے سوک ایکشن پروگرام کے تحت پولیس شہداء کی یاد میں ایک ثقافتی پروگرام کا انعقاد کیا گیا تاکہ ملک کی سلامتی اور سالمیت کے لیے اپنی جانوں کا نذرانہ پیش کرنے والے شہداء کو خراج عقیدت پیش کیا جاسکے۔
ایس ایس پی ڈوڈہ عبدالقیوم کی رہنمائی میں کمیونٹی ہال ڈوڈہ میں اس تقریب کا انعقاد عمل میں آیا۔ اس موقع پر ڈی سی ڈوڈہ ایس ایچ وشیش پال مہاجن مہمان خصوصی تھے۔ چیئرمین ایم سی ڈوڈا شی وید پرکاش گپتا، سی ای او ڈوڈا ایسپرہلاد بھگت، ڈوڈہ کے مختلف اسکولوں کے پرنسپلز کے علاوہ ڈوڈہ کے مختلف اسکولوں کے تقریباً 400 اسکولی بچوں نے بھی اس تقریب میں حصہ لیا۔ اس تقریب میں مختلف اسکولوں کے طلباء نے رنگا رنگ پروگرام پیش کیا۔ اس تقریب کے انعقاد کا مقصد نوجوان نسل میں حب الوطنی، قوم پرستی اور یگانگت کے جذبے کو ابھارنا تھا اور ملک کی سالمیت اور خود مختاری کے لیے لازوال قربانیاں دینے والے شہداء کی بہادری اور کارناموں کو یاد کرنا تھا۔ Cultural Program In Community Hall Doda
قابل ذکر ہے کہ ڈوڈہ پولیس نے ہفتہ شہداء منانے کے لیے ضلع کے طول و عرض میں متعدد تقاریب کا انعقاد کیا ہے جس میں مباحثہ مقابلہ، پینٹنگ مقابلہ، پولیس بینڈ شو، فلم شو، میراتھن، شہداء کی تصویروں کی نمائش شامل ہیں۔ ان کو خراج عقیدت پیش کرنے کے لیے یادگاری تقریبات کی سرگرمیوں کا اختتام آج کمیونٹی ہال ڈوڈہ میں ایک متاثر کن ثقافتی پروگرام کے ساتھ ہوا۔ Cultural Program In Doda
یہ بھی پڑھیں : JK Police Cricket Tournament جموں و کشمیر پولیس کی جانب سے کرکٹ ٹورنامنٹ کا انعقاد
