نئی دہلی کے شاستری بھون میں وزارت پٹرولیم کے روبرو انڈین یوتھ کانگریس کی جانب سے احتجاجی مظاہرہ کیا گیا۔ اس موقع پر پٹرول کی قیمتوں میں بے تحاشہ اضافہ پر مرکزی حکومت کو تنقید کا نشانہ بنایا گیا۔
پٹرول کی قیمتوں میں اضافہ کے خلاف یوتھ کانگریس کا احتجاجی مظاہرہ
کانگریس کارکنوں نے کہا کہ ’مودی حکومت نے گذشتہ 7 سالوں میں کچھ نہیں کیا، عوام کی توجہ ہٹانے کے لیے صرف جملہ بازی ہی کی گئی‘۔ آئی وائی سی کے قومی صدر سرینواس بی وی نے بتایا کہ مرکزی حکومت کی غلط پالیسیوں کی وجہ سے کسان سڑکوں پر احتجاج کر رہے ہیں، ایل پی جی سلنڈر کی قیمت پر اضافہ سے گھریلو خواتین پریشان کن حالات سے گذر رہی ہیں‘۔
انہوں نے کہا کہ مودی حکومت پٹرول کی قیمت میں بھی بے تحاشہ اضافہ کردیا ہے جس کی وجہ سے مہنگائی میں مزید اضافہ ہوگیا اور عام آدمی پریشان ہے۔ انہوں نے کہا کہ پٹرول کی قیمت فی لیٹر 100 روپئے سے زائد ہوگئی ہے۔
