کورونا وائرس کے پیش نظر ملک میں لاک ڈاؤن جاری ہے، اس دوران کچھ نوجوان لاک ڈاؤن اور عوامی دوری کی خلاف ورزی کرتے ہوئے سڑک پر بے پرواہ گھومتے نظر آ رہے ہیں،لیکن پکڑے جانے پر پولیس اہلکار بھی ایسے لوگوں کو انہیں کے انداز میں سمجھاتی نظر آرہی ہے ۔
اطلاعات کے مطابق دہلی کے وسنت کنج علاقے میں چار نوجوان ایک اسکوٹی پر سوار ہوکر بغیر کسی سیفٹی کے گھومنے نکلے تھے، اس دوران سڑک پر تعینات پولیس اہلکاروں نے انہیں پکڑ لیا، اور سزا کے طور پر ان چارو نوجوانوں کو اٹھک بیٹھک لگاتے ہوئے آگے بڑھتے رہنے کی ہدایت دی۔
چند منٹ اس سزا پر عمل کرنے کے بعد چاروں نوجوانوں نے کیمرے کے سامنے پولیس اہلکاروں سے آئندہ ایسی غلطی نہیں کرنے کی قسم کھاتے ہوئے معافی مانگنی شروع کر دی، اس کے بعد پولیس نے سختی کے ساتھ سمجھا تے ہوئے انہیں گھر جانے کی اجازت دی۔
