دہلی :شاہدرہ ضلع کے سیما پوری علاقے میں 20 سال کی برکھا نے پھانسی لگا کر خود کشی کر لی. معاملے کا انکشاف اس وقت ہوا جب شمال مشرقی دہلی میں فسادات کی وجہ سے شوروم بند ہو گیا اور روی رات کے 8 بجے گھر پہنچا.
متوفی برکھا کے شوہر روی نے بتایا کہ وہ بھجن پورہ علاقے میں وجے سیلز شو روم میں صفائی کارکن کے طور پر کام کرتا ہے۔
منگل کے روز 10 بجے وہ شوروم پر کام کے لئے گیا تھا لیکن آگ زنی کی وجہ سے شام 6 بجے ہی شوروم بند ہو گیا، گاڑی نہیں ملنے کی وجہ سے وہ پیدل ہی تقریبا 8 بجے گھر پہنچا،
گھر آنے کے بعد روی نے بیوی کے دروازے پر دستک دیا لیکن دروازہ نہیں کھلا ،جب روی نے کھڑکی سے کمرے میں جھاک کر دیکھا تو بیوی پھندے سے لٹکی ہوئی تھی ۔ مقامی لوگوں نے اس کی اطلاع پولیس کو دی ، موقع پر پہنچی پولیس نے لاش کو قبضے میں لے کر پوسٹ مارٹم کے لئے بھیج دیا ۔
روی نے بتایا کہ سب کچھ ٹھیک چل رہا تھا، لیکن برکھا اپنے والدین کی مالی حالت کو لے کر ہمہشہ فکر مند رہتی تھی ،آج بھی اس کے والدین کے گھر میں بجلی تک نہیں ہے
