سال کے پہلے ہفتے سے کورونا کے بڑھتے ہوئے انفیکشن کو دیکھتے ہوئے دہلی میں کئی پابندیاں لگاتار جاری ہیں۔ تاہم اب کورونا کیسز میںمسلسل کمی کے پیش نظر ان پابندیوں کو ختم کرنے کے لیے بات چیت کی جارہی ہے۔ اس سلسلے میںدہلی ڈیزاسٹر منیجمنٹ اتھارٹی جمعرات کو فیصلہ کر سکتی ہے کہ آیا ویک اینڈ کرفیو، رات کے کرفیو اور دہلی کے بازاروں پر سے پابندیاں ہٹا ئی جائیں یا نہیں۔
ڈی ڈی ایم اے نے 27 جنوری کو دوپہر 12:30 بجے ایک میٹنگ بلائی ہے، جس میں وزیر اعلیٰ اروند کیجریوال اور اعلیٰ حکام کے ساتھ ماہرین موجودہ کووڈ-19 کی صورتحال کا جائزہ لیں گے اور کوئی حتمی فیصلہ لیں گے۔
لیفٹیننٹ گورنر انل بیجل، جو ڈی ڈی ایم اے کے چیئرمین ہیں، میٹنگ کی صدارت کریں گے۔ اس سے قبل دہلی حکومت نے لیفٹیننٹ گورنر انل بیجل سے دہلی میں لگائی گئی پابندیوں کو ختم کرنے کی سفارش کی تھی جسے مسترد کردیا گیا تھا۔
لیفٹیننٹ گورنر نے کہا تھا کہ یہ پابندیاں اس وقت تک جاری رہنی چاہئیں جب تک کہ حالات مزید بہتر نہیں ہوتے۔ تاہم انہوں نے نجی دفاتر میں 50 فیصد عملے کی موجودگی کی منظوری دی تھی۔
یہ بھی پڑھیں:
سی ایم اروند کیجریوال کی طرف سے بھیجی گئی تجویز میں کہا گیا تھا کہ دہلی میں کورونا کے نئے کیسز میں کمی آئی ہے۔ ایسے میں بازاروں میں طاق کا نظام ختم کیا جائے اور ویک اینڈ کرفیو بھی ہٹایا جائے۔ ان کی طرف سے تیسری تجویز یہ بھی تھی کہ 50 فیصد گنجائش والے پرائیویٹ دفاتر کھولنے کی اجازت دی جائے۔ ان میں سے LG نے دو تجاویز کو مسترد کر دیا، لیکن نجی دفاتر میں 50 فیصد موجودگی کو تسلیم کر لیا ہے۔ فی الحال دہلی میں نافذ ویک اینڈ کرفیو کے تحت کرفیو ہر جمعہ کی رات 10 بجے سے نافذ ہوتا ہے اور پیر کی صبح 5 بجے تک جاری رہتا ہے۔
