عید الاضحی کو دیکھتے ہوئے مسلمانوں کے دل میں یہ خیال ہے کہ جب بھارتی وزیر اعظم سب کا ساتھ سب کا وشواس اور سب کا وکاس کی بات کرتے ہیں تو اس میں مسلمانوں کو وہ کیوں چھوڑ دیتے ہیں؟
ان خیالات کو لے کر دارالحکومت دہلی کے قصاب پورہ علاقے میں رہنے والے گوشت تاجر اس بات سے پریشان ہیں کہ آئندہ دنوں میں عید الاضحی ہے لیکن اس سے پہلے نہ تو دہلی میں لائف سٹاک مارکیٹ کو کھولا گیا اور نہ ہی مذبح خانہ کو کھولنے کی اجازت دی گئی۔
اگر ایسا ہی رہا تو اس سے نہ صرف عید الاضحی پر مسلمانوں کو پریشانی ہوگی بلکہ جو کسان اور چرواہے اپنے جانور فروخت کرنے دہلی آتے ہیں انہیں بھی دشواریوں کا سامنا کرنا پڑے گا۔
قابل ذکر ہے کہ بین الاقوامی سطح پر کورونا قہر جاری ہے۔اب تک دنیا بھر میں اس مہلک وبا سے متاثرین کی تعداد 1 کروڑ 19 لاکھ 75 ہزار 755 پہنچ چکی ہے جب کہ اس سے ہلاک والے افراد کی تعداد 5 لاکھ 47 ہزار 124 سے تجاوز کر چکی ہے۔ وہیں اگر ہم بھارت کی بات کریں تو اب تک 7 لاکھ 46 ہزار 153 افراد متاثر اور ہلاک والوں کی تعداد 20 ہزار 683 ہے۔
