'لاک ڈاون سے قبل مناسب انتظامات نہیں کیے گئے'

کورونا وائرس کے پھیلاؤ کو روکنے کےلیے ملک بھر میں لاک ڈاون جاری ہے جبکہ اس کی وجہ سے ہزاروں مزدوروں کو اپنے آبائی مقام جانے کے لیے کئی مشکلات کا سامنا کرنا پڑ رہا ہے۔

کانگریس کے سینیئر رہنما کپل سبل نے آج وزیراعظم نریندر مودی پر سخت تنقید کرتے ہوئے ان پر لاک ڈان کے اعلان سے قبل مناسب اقدامات نہ کرنے کا الزام عائد کرتے ہوئے کہا کہ اس کی وجہ سے ہزاروں مزدور سینکڑوں کیلومیٹر کا سفر پیدل طئے کرنے پر مجبور ہیں۔

کپل سبل نے کہا کہ ’ایک دن کے جنتا کرفیو سے قبل مودی جی نے چار دن کا وقت دیا تھا جبکہ اکیس دن کے لاک ڈاون کےلیے انہوں نے چار گھنٹوں کا بھی وقت نہیں دیا‘۔

انہوں نے وزیراعظم نریندر مودی پر لاک ڈاون سے قبل مناسب اقدامات نہ کرنے کا الزام لگایا۔ انہوں نے کہا کہ مودی جی کی وجہ سے مائگرینٹ اور بیروزگار افراد دو سو کیلومیٹر کا پیدل سفر کرنے پر مجبور ہیں جبکہ وہ ہزاروں افراد بغیر کسی بنیادی سہولتوں کے بھوکے پیاسے ہائی ویز پر بےیار و مددگار نظر آرہے ہیں۔