فضائی آلودگی کم کرنے کے لیے سرکاری عملہ کی دوڑ

ضلع میں فضائی آلودگی کو کم کرنے کے لیے جامع آگاہی پروگرام منعقد کیا جارہا ہے۔ گاؤں گاؤں جا کر گاؤں والوں کی حوصلہ افزائی کی جارہی ہے کہ وہ کوڑا کرکٹ اور گھاس پھوس نہ جلایں۔

نیز اس کی خلاف ورزی اور فضا میں آلودگی پھیلانے والوں کے خلاف جزوی کارروائی بھی کی جارہی ہے۔ ضلع کے افسران کا کہنا ہے کہ سپریم کورٹ کے احکامات کے مطابق پرالی جلانے پر روک لگائی گئی ہے کیونکہ اس سے فضائی آلودگی میں بے تحاشا اضافہ ہوا ہے۔

اگر اس حکم کی خلاف ورزی ہوگی تو قانونی کاروائی یقینی سمجھا جائے۔ دوسری جانب بڑے پیمانے پر آگاہی پروگرام بھی چلائے جارہے ہیں۔ ضلعی مجسٹریٹ کی ہدایت پر تحصیل جیور کے افسران اور ملازمین دیہی علاقوں کا دورہ کر کے اس سلسلے میں وسیع آگاہی پروگرام کا انعقاد کر رہے ہیں اور دیہی علاقوں میں رہنے والے لوگوں کو گاوٓں میں کسی بھی جگہ پر اپنے کھیتوں اور کوڑا کرکٹ کو نہ جلانے کی ترغیب دے رہے ہیں تاکہ ضلع کی فضائی آلودگی پر قابو پایا جا سکے ۔