اس تعلق سے ای ٹی وی بھارت کے نمائندے نے پاپولر فرنٹ آف انڈیا کے جنرل سکریٹری انیس احمد سے بات کی جس میں انہوں نے بتایا کہ یوگی حکومت اپنی ناکامی چھپانے کے لیے اس معاملے کے لیے پاپولر فرنٹ آف انڈیا کو ذمہ دار ٹھہرا رہی ہے۔
انہوں نے کہا کہ 'سب جانتے ہیں کہ پاپولر فرنٹ آف انڈیا کو بار بار بدنام کرنے کی کوششیں کی جا رہی ہیں لیکن ثبوت نہ ہونے کی وجہ سے انہیں منہ کی کھانی پڑھتی ہے۔
ریاست اتر پردیش کے ہاتھرس ضلع میں گذشتہ دنوں ایک دلت لڑکی کے ساتھ مبینہ طور پر جنسی زیادتی کا معاملہ سامنے آیا تھا جس کے بعد لڑکی کی موت ہوگئی اس کے بعد ملک گیر سطح پر اس معاملے میں اتر پردیش حکومت کے خلاف احتجاج جاری ہوگیا اور یوگی حکومت کے خلاف لوگوں کا غصہ نظر آنے لگا حالانکہ اس کے بعد یوگی حکومت نے ایس آئی ٹی کی جانچ کا حکم دیا لیکن جب اس پورے معاملے میں پاپولر فرنٹ آف انڈیا اور سوشل ڈیموکریٹک پارٹی آف انڈیا کا نام سامنے آیا تب یہ معاملہ پوری طرح سے تبدیل ہو گیا۔
