سڑک کے گڑھوں سے بچنے کے لیے وزیر ٹرانسپورٹ کی سرکاری گاڑی اور اسکوٹی کے درمیان ٹکر ہوگئی۔
اس حادثے میں اسکوٹی سوار نوجوان زخمی ہوگیا، اسے علاج کے لیے زونل ہسپتال منڈی میں داخل کرایا گیا ہے۔
اطلاعات کے مطابق وزیر ٹرانسپورٹ کی گاڑی ایچ پی 66-0001 منڈی کی جانب جارہی تھی، سندن نگر اور منڈی کے درمیان نیشنل ہائی وے 21، چکر کے پاس سڑک کے گڑھوں سے بچنے کے لیے ڈرائیور نے گاڑی گھوما کر نکالنے کی کوشش کی، اور اسی دوران منڈی کی جانب سے اسکوٹی پر آرہے ایک نوجوان نے بھی بچاؤ کرنے کی کوشش کی، اتنے میں دونوں کے درمیان ٹکر ہوگئی، حادثے میں اسکوٹی سوار نوجوان زخمی ہوگیا۔
ایس پی منڈی شالینی اگین ہوتری نے اس معاملے کی تصدیق کی ہے، انہوں نے بتایا کہ حادثے کی جانچ کی جارہی ہے۔
