دہلی: آتشزدگی میں تین نوجوان ہلاک

کانت کے ایس ڈی ایم پریننا سنگھ نے کہا ہے کہ ریاست اترپردیش کے وزیراعلی یوگی آدیتہ ناتھ اور دہلی کے وزیر اعلی نے جو بھی معاوضہ دینے کا اعلان کیا ہے، وہ ان کے کنبہ کو ضرور ملے گا۔

دارالحکومت دہلی کے فلمستان علاقے میں آتشزدگی کے نتیجے میں مراد آباد کے تین نوجوان جاں بحق ہوگئے، تینوں ہلاک شدگان ضلع مرادآباد کے کانت تحصیل کے گاؤں کوری کے رہائشی تھے۔

پولیس نے پوسٹ مارٹم کے بعد تینوں کی لاشوں کو ان کے اہل خانہ کے حوالے کردیا ہے اور تینوں کی آخری رسومات بھی ادا کر دی گئی ہے۔

تحصیل کانت کے ایس ڈی ایم پریننا سنگھ نے متوفی کے لواحقین کو دہلی کے وزیراعلی اروند کیجریوال سے ملنے والی 10 لاکھ روپیے کی رقم و دیگر اسکیموں کے تحت معاوضہ فراہم کرنے کا یقین دلایا ہے۔

پریننا سنگھ نے کہا ہے کہ ریاست اترپردیش کے وزیراعلی اور دہلی کے وزیر اعلی نے جو بھی معاوضہ دینے کا اعلان کیا ہے، وہ ان کے کنبہ کو ضرور ملے گا۔

انہوں مزید کہا کہ اگر وزیر اعظم کی طرف سے معاوضے کا اعلان ہوتا ہے تو وہ بھی متوفی کے لواحقین کو فراہم کرایا جائے گا۔