ملک بھر میں حب الوطنی پر جاری بحث کے دوران جمعیۃ علماء ہند کے جنرل سکریٹری اور سابق رکن پارلیمان مولانا محمود مدنی نے ایک بڑا بیان دیتے ہوئے کہا کہ "جو فرقہ پرست ہے، اس سے بڑا ملک مخالف کوئی ہو ہی نہیں سکتا۔"انہوں نے مزید کہا کہ "حب الوطنی کا فرقہ پرستی سے کوئی تعلق نہیں''۔
Mehmood madni
ای ٹی وی بھارت سے خصوصی بات کرتے ہوئے مولانا مدنی نے کہا کہ "اگر وطن دوستی کا کوئی تصور ہے تو اس میں فرقہ واریت آ ہی نہیں سکتی اور اگر فرقہ واریت آگئی اس کا مطلب وہ وطن دوستی نہیں بلکہ وطن دشمنی ہے۔"
مولانا مدنی نے 2019 عام انتخابات کو حتمی اور فیصلہ کن قرار دیتے ہوئے کہا کہ ہر الیکشن کی طرح یہ ایکشن بھی بہت ہی اہم ہے۔
تاہم جب ان سے یہ سوال پوچھا گیا کہ وہ اس الیکشن کو فرقہ وارانہ تناظر میں کس طرح دیکھتے ہیں، تو انہوں نے اس تعلق سے کچھ بھی کہنے سے صاف منع کردیا۔
