رواں برس عازمین حج کی درخواست جمع کرنے کی تاریخ ختم ہونے کو ہے۔ اس کے باوجود ابھی تک دہلی میں محض 11 سو عازمین ہی حج بیت اللہ کے لیے درخواست کا فارم پر کر سکے ہیں۔ جب کہ یہ تعداد گزشتہ برسوں کے مقابلے بھی کم ہی ہے۔ Hajj Online Application
حج 2022 کے لیے نومبر ماہ کے اوائل سے ہی آن لائن درخواستوں کا آغاز کیا گیا تھا۔ لیکن تقریباً تین مہینے گزر جانے کے باوجود بھی دہلی میں اب تک صرف گیارہ سو درخواستیں ہی موصول ہوئی ہیں۔
اس تعلق سے ای ٹی وی بھارت کے نمائندے نے دہلی اسٹیٹ حج کمیٹی کے نائب افسر تعمیل محسن علی سے بات کی۔ انہوں نے بتایا کہ گزشتہ برسوں میں ایک دن میں ہی اس سے زیادہ درخواستیں جمع ہو جایا کرتی تھیں۔ تاہم اب 80 روز گزر جانے کے باوجود درخواستوں کی تعداد میں اضافہ نہیں ہو سکا۔
واضح رہے کہ گزشتہ دو برسوں سے حج بیت اللہ پر جانے کی اجازت نہیں تھی۔ تاہم رواں برس عازمین کو حج پر جانے کی امید ہے کہ البتہ ابھی تک سعودی حکومت نے اس معاملے میں کوئی ہدایات جاری نہیں کی ہیں۔
