'سی اے ا ے مہم سے کسی پارٹی کا کوئی لینا دینا نہیں'

کانگریس کے سیینئر رہنما راج ببر نے چھترپور اسمبلی نششت سے کانگریسی امیدوار ستیش لوہیا کی حمایت میں انتخابی تشہیر کی۔ اس موقع پر راج ببر نے کہا کہ 'سی اے اے اور این آر سی کے خلاف جاری مہم سے کسی پارٹی کا کوئی لینا دینا نہیں ہے۔'

چھترپور اسمبلی سے کانگریس امیدوار ستیش لوہیا کی حمایت میں انتخابی تشہیر کے دوران مشہور فلم اداکار و کانگریس کے سینیئر رہنما راج ببر نے خطاب کرتے ہوئے کانگریس کو ووٹ دینے کی اپیل کی۔

اپنے خطاب کے دوران راج ببر نے کہا کہ پورے ملک میں سی اے اے اور این آر سی کے خلاف مہم چل رہی ہے۔

انہوں نے کہا کہ اس مہم کا کسی پارٹی سے لینا دینا نہیں ہے۔ مودی حکومت اس قانون کو ہندو۔ مسلمان بنانے میں لگی ہے۔

راج ببر نے کہا کہ پورے ملک میں سی اے اے اور این آر سی کے خلاف مہم چل رہی ہے۔ ملک بھر کی 29 یونیورسٹیز کے طلبا بھی اس مہم میں شامل ہیں، جس میں سبھی مذاہب کے طلبا پڑھتے ہیں۔

انہوں نے کہا کہ مہم کرنے والوں کو بی جے پی کے ذریعے مسلمان یا غدار بتایا جا رہا ہے۔

غورطلب ہے کہ اس انتخابی تشہیر کے دوران فلم اداکارہ امیشا پٹیل بھی شامل رہیں۔