ہائی کورٹ نے کہا ہے کہ انتہائی اہم مقدمات کی سماعت پہلے کی طرح ویڈیو کانفرنسنگ کے ذریعے کی جائے گی۔ ساتھ ہی ہائیکورٹ نے یہ بھی کہا ہے کہ ویڈیو کانفرنسنگ کے ذریعے بینچز کی تعداد میں اضافہ کیا جائے گا تاکہ مزید مقدمات نمٹائے جاسکیں۔
ہائی کورٹ نے 16 اپریل سے 2 مئی تک درج تمام مقدمات کی سماعت جون اور جولائی میں کرنے کا بھی حکم دیا ہے۔ ہائیکورٹ نے نچلی عدالتوں میں 16 اپریل سے 2 مئی تک کے مقدمات ملتوی کرنے کا حکم دیا ہے۔ ہائی کورٹ نے کہا ہے کہ اس سلسلے میں نچلی عدالتیں اپنی ویب سائٹ پر معلومات اپ لوڈ کریں گی۔
ہائیکورٹ نے نچلی عدالتوں کے تمام ڈسٹرکٹ اینڈ سیشن ججوں کو حکم دیا ہے کہ وہ سسکو ویب ای ایکس (Cisco WebEx )کے ذریعے ویڈیو کانفرنسنگ کرنے کی ہدایت کی ہے۔
ہائیکورٹ نے ڈسٹرکٹ اینڈ سیشن ججوں سے کہا ہے کہ وہ اہم معاملات کی سماعت کے لئے صلاح مشورے کے طریقہ کار پر اپنے میکنزم کے بارے میں فیصلہ کریں۔
ہائیکورٹ نے نچلی عدالتوں کو حکم دہا ہے کہ وہ ضمانت اور دیگر ضروری دیوانی مقدمات کی سماعت کے لئے عدالتی افسران کی تعیناتی کی ہدایت کی۔ ہائیکورٹ نے کہا ہے کہ عدالتی احاطے کے اندر سماجی دوری کی سختی سے پیروی کی جانی چاہئے۔
