یہ پروجیکٹ 2013 میں شروع کیا گیا تھا لیکن ابھی تک تکمیل نہیں ہوسکا ہے،جس کی وجہ سے بائرز کافی ناراض ہیں۔
بائرز کی جانب سے کرائم برانچ کو اس معاملے سے متعلق شکایت موصول ہوئی تھی۔ پولیس اس کیس میں ملوث عہدیداروں کے بارے میں معلومات جمع کررہی ہے۔
دہلی پولیس کے مطابق بائرز انوراگ سہاے کی جانب سے امرپالی گروپ کے خلاف اکنامک کرائم برانچ کو شکایت دی تھی۔
اس شکایت میں انہوں نے کہا ہے کہ امرپالی گروپ کے پروموٹرز نے سنہ 2013 میں "کرسٹل ہومز" کے نام سے ایک پروجیکٹ شروع کیا تھا۔ یہ منصوبہ سلیکن سٹی کے نوئیڈا سیکٹر 76 میں واقع ہے۔
سنہ 2013 میں اس پروجیکٹ میں دو،تین اور چار کمروں کے فلیٹ بک کیے گئے تھے۔ بکنگ کے وقت لوگوں سے بڑے بڑے وعدے کئے گئے تھے اوربتایا گیا تھا کہ یہ منصوبہ امرپالی سلیکن سٹی کا حصہ ہے ۔48 ماہ میں فلیٹ دینے کا بھی وعدہ کیا گیا تھا۔ شکایت کنندہ نے بتایا ہے کہ فلیٹ خریدنے والوں کو 48 مہینے کے اندر اس منصوبے کی تکمیل کے بارے میں بتایا گیا تھا، لیکن کئی سال گزرگئے اور یہ پروجیکٹ زیر التوا ہے۔
انوراگ سہائے نے بھی اس پروجیکٹ میں ایک فلیٹ بک کیا تھا۔ انہوں نے دستاویز سے متعلق تمام کام مکمل کر لئے لیکن آج تک انہیں فلیٹ نہیں ملا۔ انہوں نے پولیس کو بتایا کہ ابھی تک اس کا ڈھانچہ مکمل طور پر تشکیل نہیں پایا ہے۔
منصوبے کے نام پر روپے غبن کرنے کے لیےلوگوں سے کمپنی نے پیسہ لیا اور پیسہ ملنے کے بعد کام روک دیا گیا۔ ان کی شکایت پر دہلی پولیس کا اکنامک کرائم برانچ تفتیش کر رہا تھا۔ تحقیقات کے بعد بدھ کے روز اس سلسلے میں ایف آئی آر درج کی گئی ہے۔
دہلی پولیس نے یہ ایف آئی آر آئی پی سی سیکشن 409،406،420 اور 120 کے تحت درج کی ہے۔
پورے معاملے کی تفتیش جارہی ہے۔
