پارٹی ذرائع نے یہاں بتایا کہ پارٹی صدر سونیا گاندھی کی صدارت میں ہونے والی اس اہم میٹنگ میں پارٹی کے تمام قدآور لیڈر موجود رہیں گے۔این آر سی اور سی اے اے پر ملک میں مچی ہلچل کے درمیان کانگریس کی مجلس عاملہ کی میٹنگ کو بہت اہم مانا جارہا ہے۔
میٹنگ میں پارٹی کے سینئر لیڈر راہل گاندھی اور پرینکا گاندھی واڈرا اور سابق وزیراعظم من موہن سنگھ،راجیہ سبھا میں اپوزیشن کے لیڈر غلام نبی آزاد،لوک سبھا میں پارٹی کے لیڈر ادھیر رنجن چودھری،راجستھان کے وزیراعلی اشوک گہلوت سمیت پارٹی کے اقتدار والی سبھی ریاستوں کے وزیراعلی اور اہم پارٹیوں کے سربراہوں سمیت دیگر لیڈروں کے حصہ لینے کا امکان ہے۔
مزید پڑھیں: مہاراشٹر: پانچ جعلی ڈاکٹرز پولیس حراست میں
کمیٹی کی میٹنگ میں اگلے مہینے پارلیمنٹ کے بجٹ اجلاس اور دہلی اسمبلی انتخابات کےلئے حکمت عملی بھی غوروخوض کا موضوع رہیں گے۔اس کے علاوہ جموں و کشمیر پر حکومت کی پالیسی ،خارجہ پالیسی اور دیگر مسئلوں پر بھی بحث ہونے کا امکان ہے۔
پارٹی ہندوستانی معیشت کی گرتی حالت پر مسلسل تشویش ظاہر کرتی رہی ہے۔محترمہ واڈرا عوامی طورپر کہہ چکی ہیں کہ پارٹی کے اقتدار میں آنے کے بعد این آر سی اور سی اے اے کو منسوخ کردیا جائےگا۔
