ڈاکٹر ہرش وردن نے جمعرات کے روز ٹوئیٹر پر کہا کہ ہم سب نے متحد ہوکر پولیو کو شکست دی ہے آج میں اپنے ان سبھی معاونین کا شکریہ ادا کرتا ہوں جنہوں نے ہندوستان کو پولیو آزاد کرانے کے مشن میں کندھے سے کندھا ملاکر میرا ساتھ دیا۔ ہم سب کی ذمہ داری ہے کہ ہم پولیو کے تئیں بیداری پیدا کریں۔
واضح رہے کہ صحت کی عالمی تنظیم (ڈبلیو ایچ او) نے 27 مارچ 2014 کو ہندوستان کو پولیو سےآزاد ملک قرار دیا تھا۔
سال 2014 میں دلی میں واقع ڈبلیو ایچ او کے دفتر میں منعقد تقریب میں جنوب۔ مشرقی ایشیا کو پولیو سے پاک خطہ قرار دیا۔
اس کے تحت ہندوستان کو بھی پولیو سے آزاد ملک کا درجہ دیا گیا، ڈبلیو ایچ او کے جنوب۔ مشرقی ریجن سرٹیفیکیشن کمیشن صحت و کنبہ بہبود کی مرکزی وارت کو پولیو سے پاک ملک کا سرٹی فکیٹ سونپا تھا۔
پولیو سے پاک کے اعلان میں جنوب۔ مشرقی ایشیائی ریجن میں ہندوستان سمیت کل 11 ممالک شامل ہیں۔
سب سے پہلے 1994 میں امریکہ، سال 2000 میں مغربی بحرالکاہل (ویسٹر پیسفک) خطہ اور سال 2002 میں یوروپی خطے کو پولیو سے آزاد قرار دیا گیا تھا۔
