ان خیالات کا اظہار مولانا آزاد یونیورسٹی جودھ پورکے صدر(وائس چانسلر)اورمشہور اسلامی دانشورپدم شری پروفیسر اخترالواسع نے کیا ہے۔
انہوں نے مزید کہا کہ وہ سیکولر اقدار کے پاسدار تھے اور عدم تشدد کے زبردست حامی و مبلغ تھے۔ مجھے ان کے ساتھ ایک زمانے سے مل کر کام کرنے کے قومی وبین الاقوامی سطح پر مواقع ملے جہاں ان کی خوبیوں، ہمت اور جرأت نے مجھے بہت متاثر کیا۔
ہم ایچ آئی وی ایڈس کے خلاف جنگ میں ایک دوسرے کے شریک کار تھے اور ہندوستان میں اس کے لیے قائم کردہ الائنس کے مشترکہ چیئرمین بھی رہے۔'
یہ بھی پڑھیں: اگنی ویش کے انتقال پر نائیڈو کا اظہار غم
سوامی جی ایک ایسے مذہبی عالم اور دانشور تھے جو انسانی دوستی،فرقہ وارانہ ہم آہنگی اور آپسی بھائی چارے کے لیے ہر وقت فکر مند رہتے تھے۔
انہوں نے سیاست،مذہب،سماجی خدمت اور نشرواشاعت کے میدانوں میں نمایاں خدمات انجام دیں۔
ان کے اٹھ جانے سے نہ صرف بھارت بلکہ عالمی سطح پر ایک ایسا خلا پیدا ہوا ہے جو آسانی سے پُر نہیں ہوگا۔
