دارالحکومت دہلی میں قانون کی طالبہ کے ساتھ جنسی زیادتی کے ملزم سابق مرکزی وزیر چنميانند کو ملنے والی الہ آباد ہائی کورٹ سے ضمانت پر رہائی کو متاثرہ نے سپریم کورٹ میں آج چیلنج کیا، جس کی سماعت 24 فروری کو ہوگی۔
سینیئر وکیل کولن گونسالویس نے چیف جسٹس ایس اے بوبڈے کی صدارت والی بینچ کو بتایا کہ چنميانند رواں مہینے کے آغاز میں ہائی کورٹ کے حکم کے بعد ضمانت پر رہا ہوچکے ہیں۔
واضح رہے کہ درخواست گزار نے ہائی کورٹ کے حکم کو اس درخواست میں چیلنج کیا ہے، اور کہا کہ اس پر فوری سماعت کی جانی چاہیے۔
بینچ نے کہا کہ عرضی کی فہرست بند کرنے کے بارے میں وہ اگلے ہفتے غور وخوض کرے گی۔
یاد رہے کہ چنميانند کو گذشتہ برس 20 ستمبر کو گرفتار کیا گیا تھا۔ اس کا ٹرسٹ شاہ جہاں پور لاء کالج چلاتا ہے، جس میں متاثرہ پڑھتی تھی۔
خیال رہے کہ چنمياند نے مبینہ طور پر متاثرہ کے ساتھ بدفعلی کی تھی، لاء کی 23 برسی طالبہ نے جنسی تشدد کا الزام لگاتے ہوئے ایک ویڈیو کلپ سوشل میڈیا پر پوسٹ کی تھی، اس کے بعد گذشتہ برس اگست میں کچھ دن تک اس کا کوئی سراغ نہیں لگ رہا تھا جس کے بعد عدالت نے اس معاملے میں دخل دیا تھا۔
عدالت کی ہدایت پر قائم اترپردیش پولیس کے خصوصی تفتیشی ٹیم نے چنمياند کو گرفتار کیا تھا، جبکہ الہ آباد ہائی کورٹ نے تین فروری کو انہیں ضمانت دے دی تھی۔
