جے این یو انتظامیہ نے ان طلبا کے خلاف وائس چانسلر پر حملہ کرنے اور انتظامی حکام کا گھیراؤ کرنے کا ثبوت ملنے کے بعد سخت کاروائی کرتے ہوئے معاملے کی جانچ پوری ہونے تک انہیں یونیورسٹی میں کسی بھی طرح کی سرگرمیوں میں حصہ لینے سے روک دیا ہے ، انہیں ہاسٹل سے نکال دیا گیا ہے اور جے این یو احاطے سے باہر نکل جانے کا حکم دیا ہے
اس کے علاوہ طلبا کو بھی حکم دیا گیا ہے کہ اگر کسی نے ان طلبا کو پناہ دی تو اس کے خلاف بھی تادیبی کاروائی کی جائے گی۔
واضح رہے کہ دو طلبا پر وائس چانسلر پر بدسلوکی کا الزام لگایا گیا ہے۔
سنیچر کو ہوئے واقعے کو لے کر وائس چانسلرنے بتایا تھا کہ جب وہ آرٹس اینڈ اتھیٹیک میں امتحان کا جائزہ لینے گئے تھے تو 10 تا 15 طلبا نے ان کا گھیراؤ کرلیا تھا، ساتھ ہی ان کی گاڑی کو نقصان پہنچایا اور انہیں جسمانی طور پر نقصان پہنچانے کی بھی کوشش کی۔
اس دوران سیکیورٹی اہلکاروں نے وائس چانسلر کو بڑی مشکل سے بچایا۔ اس واقعے کی تفتیش شروع کردی گئی ہے ، ساتھ ہی اس میں ملوث 2 طلباء کی شناخت بھی کرلی گئی ہے۔
ان دو طلبا کے خلاف وائس چانسلر اور یونیورسٹی کے عہدیداروں کا محاصرہ کرنے ، وائس چانسلر کی گاڑی کو نقصان پہنچانے اور ان کے ساتھ بدسلوکی اور ہراساں کرنے کے تمام ثبوت موجود ہیں۔ جے این یو انتظامیہ نے ان دو طلبا کو سزا دیتے ہوئے یونیورسٹی کی تمام سرگرمیوں سے انھیں معطل کردیا ہے۔ اس کے ساتھ ہی انہیں ہاسٹل سے بھی خارج کردیا گیا ہے۔ اس کے علاوہ ، ان دونوں طلباء کو جے این یو کیمپس جانے کی اجازت نہیں ہے۔
وہیں جے این یو طلباء یونین نے وائس چانسلر کے بیان کو جھوٹا قرار دیتے ہوئے کہا کہ جب طلبا نے وائس چانسلر سے اضافی فیس کے معاملے پر بات کرنا چائی تو وہ کار میں بیٹھ کر بھاگ گئے۔
