Corona Virus: 'کورونا دور کے مجرموں کے خلاف سخت کارروائی ہونی چاہیے'

کانگریس کے سابق صدر راہل گاندھی اور پرینکا گاندھی واڈرا نے ٹویٹ کرتے ہوئے کہا ہے کہ کورونا کی دوسری لہر میں آکسیجن کی کمی سے جس طرح سے بڑی تعداد میں لوگوں کی موت ہوئی ہے وہ ایک بڑا جرم ہے اور اس کے لئے ذمہ دار افراد کے خلاف فوجداری کارروائی کی جانی چاہئے۔

راہل گاندھی نے منگل کے روز ایک ٹویٹ کرتے ہوئے کہا 'بی جے پی حکومت میں آکسیجن اور انسانیت دونوں کی شدید قلت ہے۔ اس خوفناک جرم کے ذمہ داران کے خلاف فوری کارروائی ہونی چاہیے۔ دکھ کے اس ماحول میں مرنے والوں کے لواحقین سے میری ہمدردی۔'

پرینکا گاندھی واڈرا کا ٹویٹ

دوسری طرف پرینکا گاندھی نے قبرستانوں و شمشان گھاٹوں اور کووڈ سے ہونے والی اموات کے سرکاری اعداد و شمار کے مابین فرق پر سوال اٹھاتے ہوئے کہا 'کووڈ کی وجہ سے ہوئی اموات کے بارے میں حکومت کے اعداد و شمار اور شمشانوں، قبرستانوں کے اعداد و شمار میں اتنا فرق کیوں؟ مودی حکومت نے اعداد و شمار کو بیداری پھیلانے اور کووڈ انفیکشن کے پھیلاؤ کو روکنے کا ذریعہ بنانے کی بجائے پروپیگنڈا کرنے کا ذریعہ کیوں بنادیا؟۔'

پرینکا گاندھی واڈرا کا ٹویٹ

ایک دیگر ٹویٹ میں انہوں نے ’ذمہ دار کون‘ اپنی مہم کے تحت حکومت کے متضاد بیانات کا حوالہ دیا۔