’اپوزیشن جماعتیں کسان مخالف بل کے خلاف متحد ہوں‘

کانگریس نے کہا ہے کہ مودی حکومت کسانوں سے جڑے لوگوں کا استحصال کرنا چاہتی ہے، اس لیے پارلیمنٹ میں وہ کسان مخالف بل لے کر آئی ہے، یہ بل قانون نہ بنے اس کے لیے کانگریس اور تمام اپوزیشن جماعتوں کو متحد ہو کر کام کرنا چاہیے۔

سابق مرکزی وزیر پی چدمبرم نے کہا کہ اس بل کو قانون بننے سے روکنے کے لیے کانگریس اور دیگر اپوزیشن جماعتوں کو ہرحال میں ایک ساتھ کھڑا ہونا چاہیے اور یہ یقینی بنانا چاہیے کہ اس بل میں جو التزام کیے گئے ہیں وہ قانون کا حصہ نہ بنیں۔

انہوں نے کہا کہ قانون کا جو مسودہ تیار کیا گیا ہے وہ کسانوں کے لیے خطرناک ہے اس لیے کانگریس و دیگر پارٹیوں کو کسانوں کی حفاظت کو یقینی بنانا چاہیے اور ہر پارٹی کو طے کرنا ہے کہ وہ کسانوں کے ساتھ کھڑی ہے یا اس بھارتیہ جنتا پارٹی کے ساتھ جو کسانوں کا جینا مشکل کررہی ہے۔