قومی کونسل برائے فروغ اردو میں اپنی خدمات کے ایک برس مکمل ہونے پر ڈائیریکٹر شیخ عقیل نے ای ٹی وی بھارت سے بات چیت کے دوران کہا کہ کونسل اپنی اسکیموں کو آن لائن کرنے کی تیاری کر رہی ہے اور ریختہ کی طرز پر کونسل کو عوام تک پہنچانے کا منصوبہ بنایا جا رہا ہے۔
اس منصوبہ کے بارے میں وزارت تعلیم کے ماتحت اردو کا سب سے بڑے سرکاری ادارہ قومی کونسل برائے فروغ اردو زبان کے ڈائریکٹر ڈاکٹر شیخ عقیل نے ایک برس کی کارکردگی کے بارے میں بات کرتے ہوئے بتایا۔
شیخ عقیل نے اپنی حصولیابیوں کے تعلق سے پوچھے گئے سوال کے جواب میں کہا کہ ڈائریکٹر کا عہدہ سنبھالنے کے بعد انہوں نے کونسل سے بدعنوانی اور بے ضابطگیوں کو ختم کرنے کا سلسلہ شروع کیا، انہوں نے سابقہ عہدیداروں پر من مانی کے الزامات بھی عائد کئے ۔
ڈاکٹر شیخ عقیل نے اعتراف کیا کہ اردو کے دیگر رضا کار اداروں(ریختہ و دیگر ) کی طرح کونسل عوام تک نہیں پہنچی لیکن اب وہ کونسل کو عام آدمی تک پہنچانے کے منصوبہ پر کام کرہے ہیں۔
انہوں نے کہا کہ کونسل اردو زبان کے فروغ کے لیے ہے جب کہ اب تک یہاں صرف اردو ادب کا فروغ کیا جارہا تھا۔
