ضلع گوتم بدھ نگر میں جلد ہی پنچایت انتخابات منعقد ہوں گے۔ جس کی تیاریاں زوروں پر ہیں۔ سماج وادی پارٹی اور راشٹریہ لوک دل نے اس کے لیے اتحاد کرلیا ہے۔ اعلان کے مطابق وارڈ نمبر ایک اور پانچ سے آر ایل ڈی کے امیدوار انتخاب لڑیں گے جب کہ 2، 3 اور 4 پر سماجوادی پارٹی کے امیدوار ہوں گے۔
سماج وادی پارٹی کے ضلع صدر ویر سنگھ یادو نے بتایا کہ وارڈ نمبر 2 سے گیتا بھاٹی، وارڈ نمبر 3 سے مکیش سسودیا ایڈوکیٹ اور وارڈ نمبر 4 سے سمیر بھاٹی کو امیدوار بنایا گیا ہے۔ وہیں آر ایل ڈی کے صدر یشویر سنگھ نے بتایا کہ وارڈ نمبر ایک سے پوجا والمیکی اور وارڈ نمبر 5 سے رویندر بھاٹی امیدوار ہوں گے۔ دونوں پارٹیوں کے ہائی کمان کی رضامندی کے بعد یہ فیصلہ ہوا۔ واضح رہے کہ عام آدمی پارٹی نے بھی منگل کے روز اپنے امیدواروں کا اعلان کیا ہے۔
